Almaniya Ukraynaya yeni hərbi yardım çatdırdı
Almaniya bu gün, sentyabrın 5-də Ukraynaya yeni hərbi yardım çatdırılması barədə məlumat verib. Yeni paketə döyüş sursatları, nəqliyyat vasitələri, əsgərlər üçün eynək. və tankların daşınması üçün qoşqulu traktorlar daxildir.
Redaktor.az "RBC-Ukrayna"ya istinadla xəbər verir ki, bu barədə Almaniya hökumətinin saytında məlumat verilib.
Hökumət qeyd edib ki, təchizat təhlükəsizlik potensialının yaradılması üçün Almaniya fondları tərəfindən maliyyələşdirilən sənaye ehtiyatlarından gəlir.
Qeyd edək ki, bu yaxınlarda Almaniya Ukraynaya yeni hərbi yardım paketinin ötürülməsi barədə məlumat yayıb. Digər texnikalar arasında, "Patriot" hava hücumundan müdafiə sistemi üçün raketlər də daxildir.
Həmçinin Almaniyanın maliyyə naziri Kristian Lindner Ukraynaya hər il 5 milyard avro məbləğində yardım ayırmağı təklif edib.
Turan İSMAYIL
Bizi Telegram-da izləyin...
