Netanyahu İsrailin NATO ilə əlaqələri inkişaf etdirmək istəyini açıqladı
İsrail NATO ilə münasibətlərinin səviyyəsini müsbət qiymətləndirir və onunla qarşılıqlı əlaqələri daha da inkişaf etdirəcəyini gözləyir.
Redaktor.az TASS-a istinadla xəbər verir ki, bunu Yəhudi Dövlətinin Baş naziri Benyamin Netanyahu İsrailə səfərə gəlmiş Alyansın baş katibinin müavini Mirça Coana ilə görüşündən sonra deyib.
"Mən köhnə dostumu, hazırda NATO-nun baş katibinin müavinini görməkdən çox məmnunam. Bizim NATO ilə əla münasibətlərimiz və əla əməkdaşlığımız var və onu daha da genişləndirməyi səbirsizliklə gözləyirəm", - deyə baş nazir bildirib.
"Bizim regionumuza sülh gətirmək üçün əla imkanlarımız var, lakin biz həm də əsasən İrandan, həm də digər cəbhələrdə böyük problemlərlə üzləşirik", - Netanyahu əlavə edib.
Öz növbəsində, Coana bildirib ki, onun İsrailə səfəri “NATO ilə İsrail Dövləti arasında çox güclü tərəfdaşlıq çərçivəsində yeni başlanğıcı” qeyd etmək niyyətindədir. Onun sözlərinə görə, alyans və İsrailin bir çox ümumi təhlükəsizlik problemləri var.
NATO baş katibinin müavininin sözlərinə görə, həm Avropada, həm də Yaxın Şərqdə sabitliyə təhdidlər arasında İran, Şimali Koreya və Rusiya var. O, NATO-nun İsrailin texnoloji sahədə əldə etdiyi nailiyyətləri maraqla izlədiyini bildirib və ümid etdiyini bildirib ki, tərəflər tezliklə tərəfdaşlığı yeni səviyyəyə qaldıracaqlar.
Turan İSMAYIL
Bizi Telegram-da izləyin...
