Danimarka "Leopard" tankının ilk partiyasını Ukraynaya çatdırdı
İlk 10 Danimarka "Leopard 1A5" tankının partiyası Ukrayna ərazisinə gəlib.
Redaktor.az TASS-a istinadla xəbər verir ki, bu barədə Danimarka Müdafiə Nazirliyi məlumat yayıb.
"10 "Leopard 1" tankı artıq Ukrayna ərazisindədir, daha çoxu yoldadır. İndi onlar ukraynalıların yeni başladıqları hücumda iştirak edə bilərlər. Yazdan bəri davam edən iş dayanmır. Təlim Almaniyada keçirilir, burada danimarkalı tank təlimatçıları alman hərbçiləri ilə birlikdə ekipajlar hazırlayır və tankları Ukraynaya köçürür”, - Müdafiə Nazirliyinin bəyanatında deyilir.
Bundan əvvəl Danimarka, Almaniya və Hollandiya “Leopard 1A5” tanklarının partiyasını Kiyevə köçürmək və Aİ-nin Ukrayna üçün hərbi təlim missiyası (EUMAM Ukraine) çərçivəsində Ukrayna ekipajlarını Almaniyada öyrətmək barədə razılığa gəliblər. Kopenhagen 2005-ci ilə qədər Danimarka Silahlı Qüvvələrində xidmətdə olan "Leopard 1A5" maşınlarını Ukrayna ərazisinə göndərib. Göndərilməmişdən əvvəl döyüş maşınları Almaniyanın "Flensburger Fahrzeugbau Gesellschaft" şirkətində təmir olunub. Danimarka Müdafiə Nazirliyi həmçinin altı tankın Ukrayna hərbçilərinə təlim keçmək üçün müvəqqəti olaraq krallığın muzeylərinə verildiyini bildirib.
Turan İSMAYIL
Bizi Telegram-da izləyin...
