Rusiya ABŞ səfirliyinin 2 əməkdaşını ölkədən çıxarır
Rusiya ABŞ-nin Moskvadakı səfirliyinin iki əməkdaşını “persona non grata” (“arzuolunmaz şəxs”) elan edib.
Redaktor.az TASS-a istinadən xəbər verir ki, sözügedən şəxslər səfirliyin birinci və ikinci katibləridir.
Onlar 7 sutka ərzində Rusiyanı tərk etməlidirlər.
“ABŞ-nin Moskvadakı səfirliyinin Rusiyanın daxili işlərinə müdaxiləsi yolverilməzdir və bunların qarşısı qətiyyətlə alınacaq”, - deyə Rusiya XİN-in yaydığı məlumatda qeyd olunub.
Həmçinin bildirilir ki, ABŞ-nin ölkədəki səfiri Linn Treysi məsələ ilə bağlı Rusiya XİN-ə çağırılıb və etiraz notası verilib.
Bizi Telegram-da izləyin...
