Ukraynaya yardım fondundan silah alınmasına xərclənən vəsait AÇIQLANDI
Böyük Britaniya tərəfindən yaradılmış Ukraynaya Beynəlxalq Yardım Fondunun vəsaitinin təxminən dörddə biri Kiyev hakimiyyəti üçün silah alınmasına sərf edilib.
Redaktor.az TASS-a istinadla xəbər verir ki, bu barədə Böyük Britaniyanın müdafiə nazirinin müavini Ceyms Kartlic məlumat verib.
“İsveçdən bu yaxınlarda 10 milyon funt sterlinqlik (12,4 milyon dollar) əlavə töhfədən sonra Ukraynaya Beynəlxalq Yardım Fonduna ianələrin ümumi həcmi indi 780 milyon funt-sterlinqi (966,5 milyon dollar) keçir. Bunlardan 191 milyon funt-sterlinq (236,7 milyon dollar) və ya 24%-dən çoxu Kiyev üçün silahların alınmasına müqavilələr vasitəsilə xərclənib”, – deyə o, bildirib.
Fondun əsas donoru olan Böyük Britaniya minatəmizləmə avadanlığının, zenit-raket sistemləri üçün sensorların və körpü təbəqələrinin alınması da daxil olmaqla, ehtiyacları üçün 500 milyon funt sterlinq (təxminən 620 milyon dollar) ianə edib. Bundan əlavə, Danimarka, İslandiya, Litva, Hollandiya, Norveç və İsveçin səlahiyyətli şəxsləri fonda töhfələr veriblər.
Turan İSMAYIL
Bizi Telegram-da izləyin...
