Ukraynanın birinci xanımına Klintonların təsis etdiyi mükafat verildi
Ukraynanın birinci xanımı Yelena Zelenskaya BMT Baş Assambleyasının 78-ci sessiyasının keçirildiyi Nyu Yorkdadır.
Redaktor.az "nv.ua"ya istinadla xəbər verir ki, Ukraynanın birinci xanımı Nyu-Yorkda ABŞ-ın 42-ci prezidenti Bill Klinton və onun həyat yoldaşı, ABŞ-ın keçmiş dövlət katibi Hillari Klintonla görüşüb. Cütlük 2007-ci ildə təsis edilən "Klinton Qlobal Vətəndaş Mükafatı"nı Ukraynanın birinci xanımına təqdim edib. Bu, öz baxışları və liderliyi ilə dünyadakı icmaları ruhlandıran və əməkdaşlıq yolu ilə böyük dəyişikliyə nail ola biləcəyini sübut edən şəxslərə verilir. Bu barədə Yelena Zelenskaya sosial şəbəkələrdə yazıb.
Mükafatı qəbul edən Yelena Zelenskaya qeyd edib ki, o, bunu bütün ukraynalılar adından və bütün ukraynalılar üçün qəbul edib, çünki o, Ukraynada hər bir insanın fədakar lider olduğuna inanır.
“Uşağını məktəbə aparan və hava hücumundan yuxusuz bir gecədən sonra işə tələsən ana. Dərs öyrədən müəllim çox vaxt bomba sığınacağında, təhlükədə olur, amma yenə də dərs deyir. Xilasedicilər və həkimlər mərmi qurbanlarının yanına gedir. İşğalçının evlərinə, şəhərlərinə girməsinin qarşısını almaq, təcavüzün dünyaya daha da yayılmasının qarşısını almaq üçün ön cəbhədə dayanan qəhrəman kişilər və qadınlar. Həyatlarına, ölkələrinə və dünyanın təhlükəsizliyinə görə məsuliyyət daşıyan bu əsl liderlər mənim həmvətənlərimdir. Bu mükafata görə onlara və onların adından təşəkkür edirəm”.
O, həmçinin qeyd edib ki, ukraynalılara həyatlarını bərpa etməyə kömək edən Yelena Zelenskaya Fonduna dəstək verdiyi üçün Amerika xalqına və şəxsən Hillari Klintona təşəkkür edir.
“Bu, təkcə maliyyə dəstəyi deyil. Daha vacib bir şey edir: ilham verir. Dünyamız qlobaldır. Hər şey onunla bağlıdır. Və biz hamımız köməyə gələndə, qayğı göstərəndə lider oluruq. Buna görə də, təcavüz üzərində qələbəmiz bizim ümumi mükafatımız olacaq”, - deyə Zelenskaya vurğulayıb.
Turan İSMAYIL
Bizi Telegram-da izləyin...
