Rusiyanı tərk edib-etməmək barədə şirkətlər özləri qərar verməlidirlər - Amerikalı diplomat
Şirkət rəhbərliyi Rusiyada qalmalı və ya onu tərk etməli olduqlarını özü qərar verməlidir.
Redaktor.az TASS-a istinadla xəbər verir ki, bu barədə ABŞ Dövlət Departamentinin mətbuat xidmətinin rəhbəri Metyu Miller brifinqdə bildirib.
““Rusiyada yeni tənzimləyici qanunlar qəbul edilib ki, bu da, fikrimcə, bir sıra şirkətləri ölkədə biznes qurmaqdan çəkindirib. Demək istəyirəm ki, hər bir şirkət Rusiyadakı fəaliyyətlə bağlı əməliyyat, hüquqi və reputasiya risklərini nəzərə alaraq müstəqil qərar verməlidir”, - diplomat deyib.
Onun sözlərinə görə, ABŞ Rusiya ərazisində kommersiya fəaliyyətinin müəyyən növlərinə məhdudiyyətlər qoymur. "Bizim bütün sanksiyalarımıza qida, dərman və digər humanitar ehtiyaclar üçün istisnalar daxildir, çünki biz ABŞ-ın Rusiya xalqı ilə münaqişədə olduğuna inanmırıq. Ona görə də biz Rusiya xalqını ərzaq və ya əczaçılıq məhsulları ilə təmin etmək üçün çalışan şirkətlərə orada biznesi dayandırmalı olduqlarını söyləməyə cəhd etməmişik. Biz sanksiyalarımızı, ixraca nəzarətimizi Rusiya iqtisadiyyatının Rusiya müharibə maşınına yanacaq verən sektorlarına yönəltmişik və bunu davam etdirəcəyik” - Miller bildirib.
Diplomat qeyd edib ki, 1000-dən çox Amerika şirkəti Rusiyanın Ukraynadakı işğalçılıq müharibəsi başladıqdan sonra hüquqi və reputasiya risklərinə görə Rusiyanı tərk edib.
Turan İSMAYIL
Bizi Telegram-da izləyin...
