Tayvanda Denge qızdırmasına yoluxanların sayı rekord HƏDDƏ ÇATDI
Tayvanda denge qızdırmasına yoluxma hallarının sayı 2,5 min artaraq 13 mindən çox olub.
Redaktor.az "TASS"a istinadla xəbər verir ki, Adanın Xəstəliklərə Nəzarət və Qarşısının Alınması Mərkəzinin məlumatına görə, bu,yoluxma hallarında rekord artımdır.
Son məlumatlara görə, ümumi ölüm sayı aşağı olaraq qalır. 20 xəstə xəstəlikdən dünyasını dəyişib. Xəstəliyə ən çox yoluxma halı demək olar ki, Tayvan şəhərində qeydə alınıb. İkinci və üçüncü yerlərdə Kaohsiung şəhəri (542 hadisə) və Yunlin qraflığı (449) qərarlaşıb. Yaşlılar yüksək riskli qrupdur. Yoluxma halları demək olar ki, 60 yaşdan yuxarı insanlarda baş verir.
Qeyd edək ki, denge qızdırması tropik və subtropik bölgələrdə üstünlük təşkil edən viral infeksiyadır. Onun simptomları yüksək hərarət, ürəkbulanma, səpgi, baş ağrısı və bel ağrısıdır.
Yusif EYVAZLI
Bizi Telegram-da izləyin...
