Almaniya Ukraynaya yeni silahlar verəcək
Almaniya taxıl tədarükünü Rusiyanın potensial hücumlarından qorumaq üçün Ukraynanı əlavə hava hücumundan müdafiə sistemləri ilə təchiz etməyi planlaşdırır.
Redaktor.az bu barədə Bloomberg-ə istinadən xəbər verir.
Qeyd olunur ki, Almaniya əlavə olaraq bir IRIS-T hava hücumundan müdafiə sistemi və 12-dən çox Gepard zenit silahı göndərəcək. Onlar ölkənin cənub sahilləri ilə Rumıniyaya gedən yüklərin mühafizəsini təmin etməlidirlər.
Silah bu ilin sonuna qədər Ukraynaya gəlməlidir və IRIS-T sistemi istehsaldan sonra təhvil veriləcək.
Ukrayna Qara dəniz limanlarından gəmilərin Türkiyənin Boğaziçi boğazından keçməsinə icazə verən müqavilənin sıradan çıxmasından sonra “həmrəylik marşrutları” deyilən yollarla Dunay çayı boyunca və qurudan tədarükünü artırmağa çalışır.
Az sayda gəmi də Rusiyanın hücumlarından qorxaraq Rumıniya və Bolqarıstan sahillərində su zolağında hərəkət edir.
T.İSMAYIL
Bizi Telegram-da izləyin...
