Ruslar Ukraynada mağazanı raketlə vurdular: təxminən əlli ölü var
Rusiya işğalçıları bu gün, oktyabrın 5-də Ukraynanın Kupyanski rayonunun Qroza kəndinə raket zərbəsi endiriblər.
Redaktor.az xəbər verir ki, bu barədə Ukrayna Prezident Aparatının rəhbəri Andrey Yermak teleqramda məlumat yayıb.
"Ruslar Kupyanski rayonunun Qroza kəndində mülki obyekti atəşə tutublar. İlkin məlumata görə, 48 nəfər həlak olub. Onların arasında uşaq, 6 yaşlı oğlan da var. 6 nəfərin yaralandığı da məlumdur - o cümlədən bir uşaq, bir qız”, - deyə Yermak yazıb.
Ukrayna Prezidenti Volodimir Zelenski də işğalçıların raket zərbəsinə cavab verib.
"Bu, Rusiyanın qəddar cinayətinin göstəricisidir - adi bir ərzaq mağazasına raket zərbəsi, tamamilə qəsdən terror hücumu" - o deyib.
Zelenski vurğulayıb ki, Rusiya terroru dayandırılmalıdır. "Rusiya Federasiyasına sanksiyaların qarşısını almağa kömək edən hər kəs cinayətkardır, təcavüzkar ölkəni dəstəkləyən hər kəs şərri dəstəkləyir. Rusiyaya bu və buna bənzər terror aktları yalnız bir şeyə görə lazımdır: öz soyqırım təcavüzünü bütün dünya üçün yeni normaya çevirmək. Mən həyatı qorumaqda bizə dəstək olan hər bir liderə, hər bir xalqa təşəkkür edirəm", - dövlət başçısı əlavə edib.
O xatırladıb ki, hazırda Avropa Siyasi Birliyinin sammitindədir və burada Avropa ölkələrinin liderləri ilə Ukraynanın hava hücumundan müdafiəsinin gücləndirilməsi və əsgərlərimizin gücləndirilməsi məsələlərini müzakirə edir.
"Və biz terrorçulara cavab verəcəyik. Tamamilə ədalətli. Və güclü", - deyə prezident yekunlaşdırıb.
Turan İSMAYIL
Bizi Telegram-da izləyin...
