Bu ölkənin kəşfiyyatı İsrailə XƏBƏRDALIQ edibmiş. Amma...
İsrail Misirin HƏMAS-ın “böyük bir şey” planlaşdırdığına dair xəbərdarlıqlarına məhəl qoymadı.
Redaktor.az Vətəninfo.az-a istinadən xəbər verir ki, Misir kəşfiyyatının adının açıqlanmasını istəməyən bir rəsmi Associated Press-ə bildirib.
Misirli bir kəşfiyyat zabiti vurğuladı ki, Misir İsraillə Həmas arasında vasitəçi rolunda çıxış edərək dəfələrlə israillilərlə əlaqə saxlayıb.
“Biz onlara xəbərdarlıq etmişik ki, bu, partlayıcı vəziyyətdir və böyük olacaq”, – adı açıqlanmayan mənbə bildirib.
İsrail Müdafiə Nazirliyi ölkədəki vəziyyətə toxunaraq qeyd edib ki, hücum zamanı fələstinli radikal qrupların 800-dən 1000-dək yaraqlısı İsrail sərhədini keçib. i24News xəbər verir ki, ümumilikdə silahlılar 20 şəhər və 11 hərbi bazaya hücum ediblər.
İsrail Müdafiə Qüvvələrinin general-mayoru Daniel Həcəri ABŞ-ın İranın hərəkətlərinə cavab vermə ehtimalını açıqlayıb.
“Biz ABŞ ordusu ilə kəşfiyyat və əməliyyat koordinasiyasındayıq. “İran bunu görür və əgər biz İranın vəkillərinin hərəkətə keçməyə çalışdığını görsək, bəlkə bu, Amerikanın hücumuna səbəb ola bilər”, o deyib.
Bizi Telegram-da izləyin...
