ABŞ İsrailə daha iki hərbi gəmi göndərdi
Birləşmiş Ştatlar mülki insanları təxliyə etmək üçün iki Hərbi Dəniz Qüvvələri gəmisini İsrailə göndərib.
Redaktor.az-ın məlumatına görə, bu barədə “Politico” ABŞ Müdafiə Nazirliyinin nümayəndələrinə istinadən xəbər verir.
Rəsmilər bildiriblər ki, USS Bataan və USS Carter Hall gəmilərinin sahildə yerləşdirilməsi ilə bağlı rəsmi göstəriş olmasa da, gəmilər əmrin tezliklə gələcəyi ümidi ilə Fars körfəzindən bu istiqamətdə hərəkət edir.
ABŞ Müdafiə Nazirliyinin rəsmisi bildirib ki, dəniz piyadalarına İsrail, Qəzza və ya Livandan Amerika vətəndaşlarının təxliyyəsi ilə bağlı tapşırıq veriləcək və lazım gələrsə, tibbi yardım göstərmək üçün də hazır olacaq.
Həmidə İBRAHİMLİ
Bizi Telegram-da izləyin...
