Qəzzadakı xəstəxanaya hücum planı ABŞ tərəfindən hazırlanıb?
İranın Tasnim agentliyi mənbələrə istinadən iddia edir ki, ABŞ ordusu daha əvvəl Qəzza zolağında mülki hədəfə zərbə endirmək planı hazırlayıb.
Redaktor.az-ın TASS-a istinadla məlumatına görə, nəşr hesab edir ki, ABŞ bu yolla İsrailin anklava qurudan hücumunun qarşısını almağa çalışıb.
Tasnim-in məlumatına görə, yüzlərlə insanın ölümünə səbəb olan Əl-Əhli xəstəxanasına oktyabrın 17-də edilən hücumun ABŞ Mərkəzi Komandanlığının (CENTCOM) hərbçiləri tərəfindən hazırlanmış plana uyğun olaraq İsrail tərəfindən həyata keçirildiyi barədə “fərziyyələr var”. Agentlik mənbələri iddia edir ki, oktyabrın 7-də Fələstinin HƏMAS hərəkatının yaraqlıları əməliyyata başlayanda ABŞ və İsrail rəhbərliyi son dərəcə təəccüblənib. "Bundan sonra Birləşmiş Ştatlar İsrailə dəfələrlə xəbərdarlıq edib ki, Qəzzaya qurudan hücum yəhudi dövlətinin ordusu və hakimiyyəti üçün baha başa gələ bilər", - agentlik iddia edir.
Tasnim həmsöhbətləri hesab edirlər ki, amerikalılar guya Qəzzadakı müəyyən obyektə “güclü ölümcül zərbə” planı hazırlayıblar, onun ərazisində çoxlu adam olmalıdır. Bu yolla, guya onlar İsrailə ictimaiyyəti qurudan hücumla bağlı qərarı ləğv etməyin zəruriliyinə inandırmağa kömək etməyə çalışıblar. Tasnim bildirib ki, hədəf Qəzza şəhərindəki Əl Əhli xəstəxanası olub. Hücum zamanı yüksək partlayıcı gücə malik bunker əleyhinə bombalardan istifadə edildiyi iddia edilir.
Fələstin rəqəmlərinə görə, oktyabrın 17-də Qəzza zolağında Əl-Əhli xəstəxanasına edilən hücumda 471 nəfər ölüb, 342 nəfər yaralanıb. Fələstin tərəfi hadisədə İsrail Hərbi Hava Qüvvələrini günahlandırıb; İsrail xəstəxanada baş verən partlayışın səbəbinin İslami Cihad qruplaşmasının uğursuz raket atışı olduğunu bildirib. Fələstin və Suriya, Misir, İran, İraq, Livan və Türkiyədə matəm elan edilib. Hadisədən sonra Misir və ABŞ prezidentləri Əbdülfəttah əs-Sisi və Co Bayden, Fələstin lideri Mahmud Abbas və İordaniya kralı II Abdullahın iştirakı ilə Əmmanda keçirilməsi planlaşdırılan dördtərəfli sammit ləğv edilib.
T.İSMAYIL
Bizi Telegram-da izləyin...
