Regionda eskalasiya İranın "arxa həyətində" bitəcək - ABŞ senatoru
ABŞ senatoru Lindsi Qrem bildirib ki, Yaxın Şərqdə münaqişə kəskinləşərsə, bu hərbi əməliyyatlar İranın “arxa həyətinə" keçəcək.
Redaktor.az TASS-a istinadən xəbər verir ki, o, bu fikri Təl-Əvivə səfəri zamanı bildirib.
"Biz sizi izləyirik. Müharibə daha da böyüyərsə, o, sizin həyətinizə gələcək", - Qrem deyib.
Senator həmçinin qeyd edib ki, “iki deyil, üç cəbhə olacaq”. Lakin o, hansı cəbhələrdən bəhs etdiyini açıqlamayıb.
Bundan əvvəl İranın xarici işlər naziri Hüseyn Əmir Abdullahiyan BMT-nin baş katibi Antonio Quterreşə ünvanladığı mesajda ABŞ və Qərb ölkələrini İsrailin fələstinlilərə qarşı törətdiyi cinayətlərdə şərik adlandırmışdı.Öz növbəsində ABŞ-ın dövlət katibi Entoni Blinken CBS telekanalına müsahibəsində deyib ki, Birləşmiş Ştatlar iranyönlü qruplar tərəfindən Yaxın Şərqdə vəziyyətin gərginləşməsi ehtimalından narahatdır və lazım gələrsə, cavab verməyə hazırdır.
NƏRGİZ
Bizi Telegram-da izləyin...
