Ukrayna ordusu rusların buraxdığı bütün PUA-ları MƏHV ETDİ
Ukraynanın hava hücumundan müdafiəsi Rusiya qoşunlarının oktyabrın 24-nə keçən gecə Krımdan Ukrayna ərazisinə buraxdığı bütün kamikadze pilotsuz təyyarələri vurub.
Redaktor.az xəbər verir ki, bu barədə RBC-Ukrayna Ukrayna Silahlı Qüvvələrinin Hərbi Hava Qüvvələrinə istinadən məlumat yayıb.
Belə ki, hərbçilərin məlumatına görə, 2023-cü il oktyabrın 24-nə keçən gecə işğalçılar cənub istiqamətindən altı ədəd "Şahed" tipli PUA ilə hücuma keçiblər.
“Hücum edən 6 pilotsuz təyyarənin hamısı hava hücumundan müdafiə qüvvələri tərəfindən məhv edilib”, - bəyanatda deyilir.
O cümlədən, Rusiya hədəflərinin məhv edilməsi üçün döyüş təyyarələri, zenit-raket bölmələri və mobil atəş qruplarından istifadə edilib. Pilotsuz təyyarələr Xmelnitski, Vinnitsa və Nikolayev vilayətləri daxilində vurulub.
Turan İSMAYIL
Bizi Telegram-da izləyin...
