Britaniyalı nazir Fələstinə dəstək nümayişlərini “nifrət yürüşləri” adlandırdı
Böyük Britaniyanın daxili işlər naziri Suella Braverman ölkənin şəhərlərində Fələstinə dəstək üçün keçirilən kütləvi aksiyaları “nifrət yürüşləri” hesab edir.
Redaktor.az xəbər verir ki, o, bu barədə Sky News-a Yaxın Şərqdəki vəziyyətin krallıqdakı terror hücumları təhlükəsinə təsirini müzakirə edən fövqəladə hallar üzrə hökumət komitəsinin iclasından sonra bildirib.
“İnanıram ki, bu yürüşləri təsvir etməyin yalnız bir yolu var: onlar nifrət yürüşləridir. Son bir neçə həftə ərzində biz on minlərlə insanın yəhudilərin kütləvi şəkildə öldürülməsindən sonra küçələrə çıxdığını gördük - Holokostdan sonra ən dəhşətli qırğın - və eyni zamanda İsraili dünya xəritəsindən silməyə çağıran şüarlar səsləndiriblər”, - nazir bildirib.
Onun sözlərinə görə, etirazçılar arasında qanunun kənarında əyləşən və "əksər Britaniya xalqının iyrənc hesab edəcəyi" davranışlara yol verən çoxlu "pis niyyətli aktyorlar" var.
Braverman yəhudi dövlətinin məhv edilməsi çağırışı kimi “çoxları tərəfindən şərh edilən” “Çaydan dənizə Fələstin azad olacaq” şüarına xüsusi diqqət çəkib. Onun sözlərinə görə, Britaniya polisi “antisemitizmə qarşı dözümsüz olmalıdır”, lakin əlavə edib ki, Daxili İşlər Nazirliyindən xeyli dərəcədə müstəqil olan polis qüvvələri bu şüardan istifadəni hələ də cinayət hesab etmir.
Qeyd edək ki, oktyabrın 20 və 27-də Londonda Fələstinə dəstək nümayişləri 100 mindən çox iştirakçı toplayıb. Etirazın dinc xarakter daşımasına və iştirakçıların təcrid olunmuş saxlanma hallarına baxmayaraq, aksiyalar açıq-aşkar İsrail əleyhinə xarakter daşıyıb və etirazçılar tərəfindən “Çaydan dənizə Fələstin azad olacaq” və “İsrail terrorçu dövlətdir” şüarları səsləndirilib.
T.İSMAYIL
Bizi Telegram-da izləyin...
