Seçiciləri ilə əlaqə saxlamayan iki deputatın mandatına xitam veriləcək
Rusiya Dövlət Dumasının Şurası noyabrın 1-də palatanın plenar iclasında deputatlar Vasili Vlasovun (LDPR) və Vadim Belousovun (Ədalətli Rusiya - Həqiqət naminə) səlahiyyətlərinə vaxtından əvvəl xitam verilməsi ilə bağlı qərar layihəsinə baxılması barədə qərar qəbul edib.
Redaktor.az TASS-a istinadla xəbər verir ki, bu barədə Dövlət Dumasının mətbuat xidməti məlumat yayıb.
“Dövlət Dumasının etika və mandat məsələləri üzrə komissiyalarında baxılmanın nəticələrinə əsasən, Duma Şurası sabah, noyabrın 1-də Dövlət Dumasına Vlasov və Belousovun mandatlarından məhrum edilməsinə dair qərar layihəsinin təqdim edilməsi barədə qərar qəbul edib.
Dövlət Dumasının spikeri Vyaçeslav Volodinin qeyd edib ki, Belousov və Vlasov “sistemli şəkildə öz vəzifələrini yerinə yetirə bilmədilər”. ““Əgər biz deputatın məsuliyyətsiz davranması (plenar iclaslarda iştirak etməməsi, komitə və komissiyalarda işləməməsi, seçiciləri ilə əlaqə saxlamaması) vəziyyəti görsək, o, bilməlidir ki, qanunda məsuliyyətə cəlb olunma ilə bağlı müddəalar var”, - deyə Volodin bildirib.
Qeyd edək ki, əvvəllər Dumaya 2023-cü il noyabrın 1-dən Vlasov və Belousovun səlahiyyətlərinə vaxtından əvvəl xitam verilməsi ilə bağlı iki qətnamə layihəsi təqdim edilmişdi. Çərşənbə axşamı Dövlət Dumasının Deputat Etikası Komissiyası deputatların 30 gündən artıq müddət ərzində üzvü olduqları komitə və komissiyaların iclaslarında iştirak etmədikləri üçün onların səlahiyyətlərinə xitam vermək üçün kifayət qədər əsasları nəzərdən keçirib. Dumanın Mandat Məsələləri Komissiyası bu qərarı dəstəklədi və materialları Duma Şurasına göndərib.
Vlasovun özü qeyd edib ki, üzvü olduğu Dövlət Dumasının Tənzimləmə və Dəstək Komissiyası uzaqdan səsvermə imkanını təqdim edib, ondan xırda məsələlərə baxarkən istifadə edib. Vlasov vurğulayıb ki, o, 2022-ci ildə komissiyanın iclaslarında iştirak etməməkdə ittiham olunub və bu qərarı partiyasının rəhbərliyi ilə fikir ayrılığı ilə əlaqələndirib.
Belousov isə 2022-ci ilin avqustundan axtarışa verilib, deputat 3,25 milyard rubl rüşvət ittihamı ilə 10 il müddətinə azadlıqdan məhrum edilib.
Turan İSMAYIL
Bizi Telegram-da izləyin...
