“Dünya ümidini türk əsrinə bağlayıb” - Ərdoğan
“Dünya ümidini türk əsrinə bağlayıb”.
Redaktor.az xəbər verir ki, bunu Türkiyə Prezidenti Rəcəb Tayyib Ərdoğan Türk Dövlətləri Təşkilatının “Türk Əsri” çağırışı altında Qazaxıstanın paytaxtı Astanada keçirilən 10-cu yubiley Zirvə görüşündən qayıdarkən jurnalistlərə müsahibəsində bildirib.
“Türk Dövlətləri Təşkilatı beynəlxalq sistemdəki tıxanmaları aradan qaldırmaq, təsirli və davamlı həll yolları tapmaq üçün dünyanın yüksələn gücünə çevrilir”, - o deyib.
Ərdoğan qeyd edib ki, uzun illərdir, dünyada sistem böhranı var: “Bu sistem böhranı qarşısında biz türk dövlətləri olaraq, elə bir addım atmalıyıq ki, türk dövlətləri arasında güc birliyi olsun. Bu qüvvələrin birliyinə siyasi, hərbi, iqtisadi və kommersiya ölçüləri də daxil olmalıdır”.
Türkiyə lideri türk dövlətləri arasında mədəni birliyin olduğunu qeyd edərək deyib:
“Bu necə ola bilər?" Biz fikirləşirdik. “Mövcud türk dövlətləri bir araya gəlsə, ən yaxşı halda mümkündür” deyildi. Bu istiqamətdə addımlar atıldı. Biz bu addımı atmaqla türk dövlətləri arasında bu birlik və həmrəyliyin təşəbbüskarı olduq”.
Bizi Telegram-da izləyin...
