Qlobal istiləşmənin sürətlə nəzarətdən çıxacağı PROQNOZLAŞDIRILIR
Qlobal istiləşmə üçün təhlükəsiz hədd altı ildən sonra, 2030-cu ilə qədər keçəcək. Britaniyalı alimləri iqlim böhranının tezliklə nəzarətdən çıxacağını proqnozlaşdırıblar.
Redaktor.az "lenta.ru"ya istinadən xəbər verir ki, tədqiqat Nature Climate Change (NCC) jurnalında dərc olunub.
Mütəxəssislər qeyd ediblər ki, onilliyin sonunadək orta qlobal temperaturun artımı sənayedən əvvəlki səviyyəyə nisbətən 1,5 dərəcə selsidən çox olacaq. Daha 20 ildən sonra atmosferə atılan tullantılarla mübarizə üçün daha fəal tədbirlər görülməsə, bu göstərici selsi üzrə iki dərəcəni keçəcək.
Tədqiqatçılar Yerin qalan karbon büdcəsini (iqlimə çox zərər vermədən atmosferə buraxıla bilən karbon qazının miqdarını) 250 milyard ton CO2 olaraq qiymətləndirirlər. İndi bu təhlükəli qazın təxminən 40 milyard tonu hər il atmosferə daxil olur.
Bununla belə, alimlərin proqnozlarında bir sıra qeyri-dəqiqliklər var, bunlar metan və digər istixana qazlarının təsiri, eləcə də istiləşmənin iqlim sisteminin müxtəlif hissələrinə təsiri ilə bağlıdır. Beləliklə, bəzi bölgələrdə artan bitki örtüyünün böyüməsi böyük miqdarda karbon dioksidi uda bilər və istiləşmənin bir hissəsini kompensasiya edə bilər. Okean sirkulyasiyasında dəyişikliklər və buz təbəqələrinin əriməsi istiləşməni sürətləndirə bilər.
Yusif EYVAZLI
Bizi Telegram-da izləyin...
