Bu ölkədən Ermənistana 60 minlik “ordu” gəldi
Hindistandan Ermənistana 60 mindən çox işçi gəlib. Yeni Dehli ilə İrəvan arasında birbaşa aviareys açılsa, Hindistandan gələnlərin sayı kəskin artacaq.
Redaktor.az xəbər verir ki, bunu Ermənistanın İşəgötürənlər İttifaqının sədri Qagik Makaryan deyib.
O bildirib ki, Hindistanda aylıq 25-100 dollar arası qazanc əldə edənlər, ya da iş tapa bilməyənlər Ermənistana üz tutur:
“Lakin onlar Ermənistanda Hindistanla müqayisədə bir neçə dəfə çox qazanırlar və çox təvazökar yaşadıqlarından, maaşlarının böyük hissəsini ailələrinə göndərirlər. Onlar əsasən qida çatdırılması, tikinti, təmizlik sektorlarında çalışırlar. Həmçinin, yoqa kursları da təklif edirlər".
Makaryan hesab edir ki, hindlilərin iqtisadiyyatın digər sahələrini də nəzərdən keçirməsi daha məqsədəuyğun olar, çünki təkcə tikinti bu qədər ümumi işçiləri qəbul edə bilməyəcək.(Axar)
Bizi Telegram-da izləyin...
