UNICEF-in icraçı direktoru Misirdə yol qəzasında xəsarət aldı
Birləşmiş Millətlər Təşkilatının Uşaq Fondunun (UNICEF) icraçı direktoru Ketrin Rassel çərşənbə axşamı Misirdə yol qəzasında xəsarət alıb.
Redaktor.az xəbər verir ki, bu barədə “Reuters” fond nümayəndəsinə istinadən məlumat yayıb.
Qeyd olunub ki, yaraları səbəbindən onun İsrailə səfəri təxirə salınıb.
“Hesab edirik ki, “Rəfah” keçid məntəqəsinə gedərkən avtomobil böyük çuxura dəyib və ya ondan yayınmağa cəhd edib və bu, avtomobilin dərin xəndəyə sürüşərək yan üstə yuvarlanmasına səbəb olub”.
O qeyd edib ki, Rassel xəsarətlər alıb və kiçik narahatlıqlar yaşayır, lakin onun yaraları ciddi hesab edilmir.
Bizi Telegram-da izləyin...
