İsrail Qəzza zolağında məktəbə zərbələr endirir - İtki var
İsrail Müdafiə Qüvvələri Qəzza zolağının şimalında qaçqınların məskunlaşdığı məktəbə hücum edib.
Redaktor.az TASS-a istinadən xəbər verir ki, Livanın “Al Mayadeen” telekanalının məlumatına görə, atəş nəticəsində ölən və yaralananlar var.
Məlumata görə, anklavın şimalında gərgin döyüşlər gedir. Telekanal qeyd edir ki, İsrail təyyarələrinin Əl-Fəllucədə yerləşən məktəbi bombalaması nəticəsində orada olan qaçqınlar arasında ölən və yaralananlar var. "Fələstin müqaviməti" ilə İsrail qüvvələri arasında zolağın şimalında və Qəzza şəhərində bir neçə bölgədə intensiv döyüşlərin getdiyi bildirilir.
Bundan əlavə, “Al Mayadeen” qeyd edir ki, Qəzza zolağında humanitar vəziyyət elektrik enerjisi və su təchizatının tam olmaması, humanitar yardımın və ərzaq təchizatının dayandırılması səbəbindən xeyli pisləşib.
NƏRGİZ
Bizi Telegram-da izləyin...
