Girovlar öncə Rəfah keçid məntəqəsinə aparılacaq
Qəzzada girovlar Rəfah keçid məntəqəsinə aparılacaq və helikopterlə İsrailə çatdırılacaq.
Redaktor.az xəbər verir ki, bu barədə “Al Hadath” telekanalı məlumat yayıb.
Məlumata görə, azad edilən girovlar əvvəlcə Qırmızı Xaç Cəmiyyətinin nümayəndələrinə təhvil veriləcək və onları Qəzza-Misir sərhədindəki Rəfah keçid məntəqəsinə aparacaqlar. Sonra onlar vertolyotla İsrail ərazisinə aparılacaq və onların qəbulu üçün hazırlanmış tibb müəssisələrinə yerləşdiriləcək.
Bundan əvvəl HƏMAS Qətər və Misirin vasitəçiliyi ilə Qəzza zolağında dörd günlük humanitar atəşkəsə dair İsraillə razılığa gəldiyini açıqlamışdı. Hərəkat bildirib ki, razılaşmalar İsrail həbsxanalarından 150 qadın, uşaq və yeniyetmənin azad edilməsi müqabilində anklavda saxlanılan 50 qadın, uşaq və yeniyetmənin azad edilməsini nəzərdə tutur.
NƏRGİZ
Bizi Telegram-da izləyin...
