Bu Avropa ölkəsində elektrik enerjisi qısa müddətə PULSUZ OLDU
Noyabrın 24-də Finlandiya əhalisinin beşdə biri üçün elektrik enerjisi qısa müddətə pulsuz olub.
Bu barədə Redaktor.az "lenta.ru"ya istinadən xəbər verir.
Finlandiyadan hər beşinci istehlakçı elektrik enerjisini mübadilə qiymətinə əlavə qiymətlərlə ödəyir. Lakin cümə axşamı axşam yerli enerji bazarında qeyri-adi vəziyyət yaranıb. "Kinect Energy" noyabrın 23-də bir saatlıq hərracda səhvən Finlandiyanın elektrik istehlakının təxminən yarısına bərabər olan hissəsini satmağı təklif edib. Nəticədə, "Nord Pool" birjasında gündüz ticarət sessiyası zamanı ölkədə elektrik enerjisinin qiyməti bir meqavat/saat üçün -500 avro (-546 dollar) səviyyəsində olub.
Belə nasazlıqlar halında, bir sıra Finlandiya sakinləri elektrik nəqliyyat vasitələrini doldurmaq və ya evlərini qızdırmaq üçün avtomatik enerji təchizatı sistemlərinə malikdirlər. Onlar enerji qiymətləri aşağı və ya hətta mənfi olduqda istifadə olunur. Nəticədə, Norveç enerji tacirinin səhvi Finlandiyada enerji istehlakının beş faiz artmasına səbəb olub.
Yusif EYVAZLI
Bizi Telegram-da izləyin...
