Borrell Ukraynaya dəstəyin daha riskli olacağını deyib
Aİ-nin Xarici İşlər və Təhlükəsizlik Siyasəti üzrə Ali Nümayəndəsi Josep Borrell bildirib ki, icmanın Yaxın Şərqdəki vəziyyətlə bağlı mövqeyinə görə Aİ-nin BMT-də Ukrayna ilə bağlı qərarlara dəstək istəməsinin daha çətin olacağı riski var.
Redaktor.az bu barədə TASS-a istinadən xəbər verir.
İcma diplomatiyasının rəhbəri İspaniyanın “La Vanguardia” qəzetinə müsahibəsində deyib: “Bəzi ölkələr əlaqələri kəsiblər və ya səfirləri çağırıblar ki, Qəzzadakı mövqeyimizi Ukraynada müdafiə etdiklərimizlə bir araya sığmaz hesab edirlər”.
O əlavə edib ki, Çili kimi ölkələr Aİ-nin mövqeyini uyğunsuz hesab edir. "Bunlar fərqli münaqişələrdir, lakin dünya ictimai rəyi bizim hər ikisi ilə bağlı mövqeyimizi müqayisə edir", - Borrell əlavə edib.
Ukrayna ilə bağlı BMT-dən dəstək istədikdə bunun Aİ-na təsir edə biləcəyi ilə bağlı sualı cavablandıran Borrell, bu riskin real olduğunu bildirib.
"Mövqeyimiz Qəzza zolağında tutduğumuz mövqe ilə zəiflədi, çünki biz qanuna hörmət edilməli olduğunu deməklə kifayətlənirik, bunun edilib-edilməməsi sual altındadır", - Borrell fikrini yekunlaşdırıb.
NƏRGİZ
Bizi Telegram-da izləyin...
