"Qəzzada daha bir girov ölüb" - KİV
İsrail mediası Qəzza zolağında Fələstinin HƏMAS radikal hərəkatının tərəfdarları tərəfindən saxlanılan daha bir israilli girovun öldüyünü bildirib.
Redaktor.az TASS-a istinadən xəbər verir ki, oktyabrın 7-də qaçırılan 21 yaşlı Yonatan Samarno ölüb. O, iki dostu ilə HƏMAS hücumu zamanı Kibbutz Reimdə musiqi festivalında olub.
"Samarnonun iki dostu öldürüldü, özü də güllələnərək Qəzzaya qaçırıldı",- məlumatda qeyd olunur.
Onun cəsədi hələ də HƏMAS-ın əlindədir. Gəncin ailəsinə onun ölümü barədə bazar günü axşam məlumat verilib. Onunla vida mərasimi bu gün baş tutacaq. İsrail Müdafiə Qüvvələri hələ ki, girovun ölümünü rəsmən açıqlamayıb.
NƏRGİZ
Bizi Telegram-da izləyin...
