"Ağ Ev Ukraynaya ayıracaq vəsaiti tükədib"
Vaşinqton Ukraynaya yardım üçün nəzərdə tutulan vəsaiti tükədib.
Redaktor.az Reuters-ə istinadən xəbər verir ki, bunu Ağ Evin İdarəetmə və Büdcə İdarəsinin direktoru Şalanda Yanq ABŞ Konqresinin Nümayəndələr Palatasının spikeri Mayk Consona ünvanladığı məktubda bildirib:
“Konqresin tədbirləri olmasa, ilin sonuna qədər Ukrayna üçün yeni silah və avadanlıq göndərişləri almaq və ABŞ-ın ehtiyatlarından avadanlıq təmin etmək üçün resurslarımız tükənəcək. Bu problemi həll etmək üçün heç bir sehrli maliyyə ehtiyatı yoxdur. Nə pulumuz var, nə də demək olar ki, vaxtımız”, - Yanq bildirib.
Oktyabr ayında ABŞ prezidenti Co Bayden administrasiyası Konqresdən Ukrayna, İsrail və ABŞ sərhədlərinin təhlükəsizlik proqramlarını maliyyələşdirmək üçün təxminən 106 milyard dollar istəyib.
NƏRGİZ
Bizi Telegram-da izləyin...
