Qırğızıstanla Tacikistan razılığa gəldi
Qırğızıstan və Tacikistan nümayəndələri növbəti görüşdə sərhədin ümumi hissəsinin 24 km-dən artıq xəttini razılaşdırıblar.
Redaktor.az "TASS"a istinadla xəbər verir ki, bu barədə Qırğızıstan hökumətinin mətbuat xidməti məlumat yayıb.
"Alınan razılığa əsasən, 2023-cü il noyabrın 29-dan dekabrın 5-dək Tacikistan Respublikasının Suqd vilayətinin Buston şəhərində hüquqi məsələlər üzrə topoqrafik işçi qruplarının növbəti iclası keçirilib. Qırğızıstan Respublikası və Tacikistan Respublikası Qırğızıstan-Tacikistan dövlət sərhədinin delimitasiyası və demarkasiyası üzrə topoqrafik işçi qrupları Qırğızıstan-Tacikistan dövlət sərhədinin 24,01 km-də razılığa gəliblər”, - deyə məlumatda deyilir.
Hazırda Qırğızıstan və Tacikistan istisna olmaqla, bütün qonşu dövlətlərlə dövlət sərhədinin delimitasiyası və demarkasiyası prosesi başa çatdırılıb.
Qırğızıstanla Tacikistan arasında dövlət sərhədinin uzunluğu təqribən 980 km-dir. Onun delimitasiyası (keçid yerinin təsviri ilə dövlət sərhədinin müəyyən edilməsi və xəritədə çəkilməsi) üzrə danışıqlar 2002-ci ilin dekabrından davam edir. Hazırda sərhəd xəttinin üçdə ikisindən çoxu dövlətlər tərəfindən müəyyən edilib və qarşılıqlı şəkildə tanınıb. Bu məsələnin həll edilməməsi dəfələrlə iki respublikanın yerli sakinləri və hərbi qulluqçuları arasında, o cümlədən odlu silahdan istifadə ilə münaqişələrə səbəb olub.
Həmidə İBRAHİMLİ
Bizi Telegram-da izləyin...
