Qərb Paşinyandan növbədənkənar seçki keçirməyi tələb edir
Qərb Ermənistanda növbədənkənar parlament seçkisi keçirməyi tələb edir.
Redaktor.az xəbər verir ki, bu iddia ilə Ermənistanda dərc edilən “Hraparak” nəşri çıxış edib.
Nəşr yazır ki, seçki tələbi, əsasən, Qərb dairələrindən gəlir, belə ki, onlar Nikol Paşinyanın nüfuzdan düşəcəyindən ehtiyat edirlər.
Yazıda qeyd olunur ki, öz partiyasının iclaslarının birində Nikol Paşinyan ötəri də olsa, gələn il seçkinin keçiriləcəyini istisna etməyib.
“Paşinyanın partiyası getdikcə nüfuzdan düşür, digər tərəfdən isə yeni müxalifət qüvvələrinin formalaşması ehtimalı artır, ona görə də o, müxalifətçiləri qabaqlamaq qərarına gəlib. Paşinyan anlayır ki, zaman hakimiyyətin əleyhinə işləyir”, - qəzet yazır.
Bizi Telegram-da izləyin...
