"Çin BMT baş katibinin səylərini dəstəkləyir" - Vanq Venbin
Pekin Yaxın Şərq regionunda atəşkəsin yaradılmasında BMT-nin baş katibi Antonio Quterreşin vasitəçiliyini alqışlayır.
Redaktor.az TASS-a istinadən xəbər verir ki, bunu Çin Xarici İşlər Nazirliyinin sözçüsü Vanq Venbin deyib.
"İsrail-Fələstin münaqişəsinin hazırkı raundu ciddi humanitar fəlakətə gətirib çıxarıb. Baş katib Quterreşin çağırışı beynəlxalq ictimaiyyətin Qəzzadakı ciddi vəziyyətlə bağlı güclü narahatlığını əks etdirir", - Vanq Venbin deyib.
"Çin BMT-nin baş katibinin vasitəçilik səylərini dəstəkləyir”.
Onun sözlərinə görə, Pekin bütün aidiyyəti tərəflərlə koordinasiyanı gücləndirməyə və Yaxın Şərqdə gərginliyin azaldılması üçün konstruktiv rol oynamağa davam edəcək.
NƏRGİZ
Bizi Telegram-da izləyin...
