"Qəzza münaqişəsinə kənar müdaxilə onu daha da kəskinləşdirəcək"
Qətər hakimiyyəti Dohanın vasitəçilik səylərini və ümumilikdə münaqişənin həllini çətinləşdirməmək üçün xarici qüvvələri Qəzza zolağında vəziyyəti gərginləşdirməməyə çağırıb.
Redaktor.az TASS-a istinadən xəbər verir ki, bu barədə əmirliyin Xarici İşlər Nazirliyinin dövlət naziri Məhəmməd əl-Xuleyfi məlumat verib.
“Bu, çox vacibdir, biz bu siqnalı çox aydın şəkildə vermişik: Orada vəziyyəti gərginləşdirəcək istənilən qüvvə vasitəçilik rolunu və bu məsələnin həllini daha da çətinləşdirəcək”, - o, Doha Forumunda çıxışı zamanı deyib.
“Bununla mən demək istəyirəm ki, digər regional və ya beynəlxalq qüvvələr vəziyyəti gərginləşdirməməli və ya gərginliyi artırmamalı, əksinə, gərginliyin azaldılmasına yardım etməlidir”, - Əl-Xuleyfi əlavə etdi.
NƏRGİZ
Bizi Telegram-da izləyin...
