Roma Papası burada dəfn olunmaq ARZUSUNDADIR
Papa Fransisk Romadakı dörd əsas bazilikadan biri olan Santa Maria Maggiore Bazilikasında dəfn olunmaq istəyir.
Redaktor.az xarici mediaya istinadən xəbər verir ki, bu barədə pontifik dekabrın 12-də Meksikanın "N+" telekanalına müsahibəsində bildirib.
“Yer artıq hazırlanıb, mən Santa Maria Maggioredə dəfn olunmaq istəyirəm. Bəli, mən bu yerə çox sadiq olduğum üçün həmişə ora gedirdim. Çox güclü əlaqə var. Mən artıq dəfn mərasiminin təşkilatçıları ilə görüşmüşəm”, - Roma Papası deyib.
Bildirək ki, dekabrın əvvəlində tənəffüs yollarının iltihabı ilə müşayiət olunan qripə görə pontifik BMT-nin 28-ci İqlim Dəyişikliyi Konfransında (COP28) iştirak etməli olduğu Dubaya səfərini ləğv etməli olub.
“Özümü daha yaxşı hiss edirəm. Bəzən insanlar mənə deyirlər ki, mən çox ehtiyatsızam. Çünki mən bir şeylər etmək istəyirəm. Amma bunlar yaxşı əlamətlərdir, mən kifayət qədər sağlamam”, - deyə Papa əlavə edib.
NƏRGİZ
Bizi Telegram-da izləyin...
