"Yeni yardım paketi Ukrayna üçün sonunculardan biri olacaq"
Birləşmiş Ştatlar Ukraynaya yeni yardım paketinin bir hissəsi olaraq hava hücumundan müdafiə və artilleriya sursatları və HIMARS çoxsaylı raket sistemlərini Kiyevə təhvil verəcək.
Redaktor.az xarici mediaya istinadən xəbər verir ki, ABŞ dövlət katibi Entoni Blinkenin sözlərinə görə, bura həmçinin HARM anti-radar raketləri və tank əleyhinə döyüş sursatları daxil olacaq.
Blinkenin yazılı açıqlamasında "Bugünkü paketə daxil olan silahlar arasında zenit sursatları, hava hücumundan müdafiə sistemi komponentləri, əlavə HIMARS sursatları, 155 mm və 105 mm kalibrli artilleriya sursatları, HARM yüksək sürətli radar əleyhinə raketlər, tank əleyhinə sursatlar var", - deyib. Onun sözlərinə görə, yeni yardım paketi Ukrayna üçün sonunculardan biri olacaq.
RT xəbər verir ki, Ukrayna prezidenti Volodimir Zelenski bundan son dərəcə narahatdır.
Dekabrın 13-də Zelenski Baydenlə görüşmək üçün Ağ Evə gəlib. Danışıqlar zamanı Amerika lideri Kiyevə 200 milyon dollar yardımı təsdiqlədiyini açıqlayıb. Bununla belə, Bayden pulun tezliklə bitəcəyi ilə bağlı xəbərdarlıq da edib.
NƏRGİZ
Bizi Telegram-da izləyin...
