Daha bir HƏMAS qərargahı dağıdıldı
İsrail hərbçiləri Qəzza zolağında Fələstinin radikal HƏMAS hərəkatına qarşı əməliyyat zamanı onların hərbi komandanlıq mərkəzlərindən birini məhv edib.
Redaktor.az TASS-a istinadən xəbər verir ki, bu barədə ordunun mətbuat xidməti məlumat yayıb.
"Qoşunlarımız HƏMAS-ın Şücayyə batalyonunun komanda-nəzarət mərkəzini zəbt edib. Bu hərəkətlər zamanı qoşunlar terrorçuları və HƏMAS terrorçularından birinin istifadə etdiyi tunel şaxtasını məhv ediblər", - deyə məlumatda bildirilir.
Ordunun qeyd etdiyi kimi, kompleks İsrail Hərbi Hava Qüvvələrinin təyyarələri, tankları və mühəndis qoşunları tərəfindən hücuma məruz qalıb.
Bundan əlavə, hərbçilər bildiriblər ki, İsrail ordusu son 24 saat ərzində Qəzza zolağının cənubundakı Xan Yunis şəhərində qruplaşmanın infrastruktur obyektlərinə məqsədyönlü reyd keçirib.
NƏRGİZ
Bizi Telegram-da izləyin...
