İran 33 ölkə ilə viza rejimini ləğv etdi
İranın Mədəni İrs, Turizm və Əl Sənəti Nazirliyinin 33 ölkə ilə viza rejiminin ləğvi barədə təklifi hökumət tərəfindən təsdiqlənib.
Redaktor.az “Reuters”ə istinadən xəbər verir ki, İran Rusiya, Tacikistan, Özbəkistan, Qırğızıstan və digər 30 ölkə vətəndaşları üçün viza rejimini birtərəfli qaydada ləğv edib. Qərarla viza almadan İrana gedə biləcək ölkə və ya ərazilərin sayının 45-ə çatdırılacağı bildirilib.
Qərar Tehranın əlaqələrini hələ tam bərpa etmədiyi Bəhreyn istisna olmaqla, Səudiyyə Ərəbistanı, Birləşmiş Ərəb Əmirlikləri və Qətər vətəndaşlarına şamil olunur.
Siyahıda yalnız bir Avropa ölkəsi var ki, o da Aİ və NATO-nun kiçik üzvü olan Xorvatiyadır.
Bizi Telegram-da izləyin...
