Putinin 1990-cı illərdəki vizit kartı hərraca ÇIXARILDI
Rusiya prezidenti Vladimir Putinə məxsus vizit kartı Sankt-Peterburqda hərraca çıxarılıb.
Redaktor.az "lenta.ru"ya istinadən xəbər verir ki, müvafiq məlumat "Bidspirit" portalında yer alıb.
Yerləşdirilən fotoda Putinin əlaqə məlumatları və 1990-1991-ci illərdəki vəzifəsi olan vizit kartı göstərilir. Püşkatmanın təsvirində qeyd olunur ki, telefon nömrələri Rusiyanın hazırkı prezidentinin əli ilə yazılıb.
Satmağa qərar verdikləri vizit kartının başlanğıc qiyməti 1000 rubl, ən yüksək təklif isə 2,8 min rubl təşkil edir: “Putin Vladimir Vladimiroviç. Leninqrad Şəhər Xalq Deputatları Soveti sədrinin beynəlxalq əlaqələr üzrə müşaviri”, - deyə qəzet yazır.
Bildirək ki, noyabrda Jirinovskinin vizit kartı 10 milyon rubla satılıb. Satıcının sözlərinə görə, o, bu əşyanı şəxsən siyasətçinin əlindən alıb.
NƏRGİZ
Bizi Telegram-da izləyin...
