Bu çıxışına görə Trampı Hitlerə oxşatdılar
ABŞ-ın keçmiş prezidenti Donald Tramp miqrantlar haqqında söylədiyi sözlərə görə nasist Almaniyasının lideri Adolf Hitlerə oxşamaqda ittiham edilib.
Redaktor.az xəbər verir ki, bu barədə “Newsweek” məlumat yayıb.
“Onlar ölkəmizin qanını zəhərləyirlər. Onlar bütün dünyada psixi müəssisələri və həbsxanaları zəhərləyirlər. Təkcə Cənubi Amerikada deyil, təkcə düşündüyümüz üç-dörd ölkədə deyil, bütün dünyada. Onlar ölkəmizə Afrikadan, Asiyadan, dünyanın hər yerindən gəlirlər”, – nəşr tənqid obyektinə çevrilən Trampın sözlərini sitat gətirir.
ABŞ prezidenti Co Baydenin 2024-cü il seçkiləri üzrə seçki qərargahının rəsmi nümayəndəsi Əmmar Musa keçmiş Amerika liderini pisləyib. O, həmçinin Trampı Şimali Koreya lideri Kim Çen İna rəğbət bəsləməkdə və Rusiya lideri Vladimir Putindən sitat gətirməkdə ittiham edib.
Bundan əvvəl Tramp ABŞ-a görə Yaxın Şərqdə fəlakət olacağını proqnozlaşdırmışdı. O qeyd edib ki, Vaşinqton Yaxın Şərqə “tamamilə nəzarətdən çıxmağa” icazə verib. Onun fikrincə, indi həqiqətən pis şeylər baş verir, lakin onların qarşısını almaq olar.
NƏRGİZ
Bizi Telegram-da izləyin...
