İran şimal-şərq sərhədlərinə qoşun yeridir
İran İslam Respublikası Ordusunun quru qüvvələri istənilən təhlükəyə tez və vaxtında cavab vermək üçün şimal-şərq sərhəd bölgələrində pilotsuz təyyarələr, raketlər və artilleriya bölmələri yerləşdirib.
Redaktor.az İRNA-ya istinadən xəbər verir ki, bunu İran Quru Qoşunlarının komandanı, briqada generalı Kiumars Heydəri deyib.
Onun sözlərinə görə, İranın şimal-şərq sərhədlərində qüvvələrin yerləşdirilməsi quru qoşunlarının çatışmazlığı olan ərazilərə diqqəti yönəltməyə planlanıb. Heydəri qeyd edib ki, ölkənin quru qoşunları İranın müstəqilliyini və ərazi bütövlüyünü qorumaq vəzifəsi ilə üzləşib. O izah edib ki, istənilən təhlükə qarşısında qəti və vaxtında əməliyyat planını həyata keçirmək üçün İranın sərhədyanı bölgələrində raketlər, pilotsuz uçuş aparatları və manevr qüvvələrindən istifadə etməklə məkan planlaması həyata keçirilir.
NƏRGİZ
Bizi Telegram-da izləyin...
