Çində zəlzələdə 100-dən çox insan öldü
Ötən gün Çinin şimal-qərbindəki Qansu və Çinxay əyalətlərində zəlzələ baş verib.
Redaktor.az “BBC Türkçe”yə istinadən xəbər verir ki, baş verən 6,2 bal gücündə zəlzələ nəticəsində azı 118 nəfər ölüb, 266 nəfər xəsarət alıb.
Rəsmilər yerli vaxtla saat 16:00-da baş verən zəlzələnin Qansu ilə yanaşı, qonşu Qinghai əyalətində də hiss edildiyini, daha sonra isə 10-a yaxın afterşokun baş verdiyini açıqlayıb. Daha sonra Sincan-Uyğur Muxtar Bölgəsində 5,5 bal gücündə zəlzələ baş verib. Zəlzələnin dağıntı və həyat itkisinə səbəb olub-olmadığı hələlik məlum deyil.
Rəsmilər Qansuda 105, Çinxayda isə 13 nəfərin həyatını itirdiyini açıqlayıb. İki əyalətdə 20 nəfər itkin düşüb. Yerli meteoroloji qurumlar bu gün bölgədə temperaturun -10 dərəcəyə enəcəyini proqnozlaşdırır.
İLAHƏ
Bizi Telegram-da izləyin...
