"Aİ Rusiya hərbi-sənaye kompleksinin aktivlərini dondura bilməyəcək"
Aİ-nin yeni anti-Rusiya sanksiyaları göstərir ki, Aİ-nin məhdudiyyətlər tətbiq edə biləcəyi sahələr getdikcə azalır.
Redaktor.az "vesti.ru"ya istinadən xəbər verir ki, bu fikirləri Kremlin rəsmi nümayəndəsi Dmitri Peskov deyib.
"12-ci paket onu göstərir ki, tutaq ki, sanksiyaların tətbiq oluna biləcəyi ərazilərin resursları artıq tükənmək üzrədir", - Peskov bildirib.
Peskov onu da bildirib ki, Aİ Rusiya hərbi-sənaye kompleksinin aktivlərini dondura bilməyəcək, çünki orada belə aktivlər yoxdur.
Bildirək ki, dekabrın 18-də Avropa İttifaqı Rusiya Federasiyasına qarşı növbəti sanksiyalar paketini dərc edib. Buraya iqtisadi və şəxsi məhdudiyyətlər, o cümlədən Rusiya almazlarının idxalına qadağa daxildir. Sanksiya siyahısına 147 şəxs və təşkilat daxil edilib.
Dekabrın 19-da sanksiyalar qüvvəyə minib.
NƏRGİZ
Bizi Telegram-da izləyin...
