Nyu Yorkda etiraz aksiyaları başladı
Milad günündə Nyu-Yorkun mərkəzində yüzlərlə insan Fələstinə dəstək üçün "Milad burada ləğv edilib" kimi şüarlarla etiraz aksiyası keçirib.
Redaktor.az xəbər verir ki, bu barədə "Fox News" məlumat yayıb.
Telekanalın qeyd etdiyi kimi, iğtişaşçılar hər il noyabrın sonu və ya dekabrın əvvəlində Milad ağacının yandırılması mərasiminin keçirildiyi Rokfeller Mərkəzinin yaxınlığında toplaşıb. Etirazçılar küçələrdə qan içində Milad doğum səhnəsi təşkil edib və ABŞ-ın İsrailə yardımının dayandırılmasını tələb ediblər:
"Siz alış-veriş edərkən, bombalar düşür", - deyə camaat qışqırıb.
"The New York Post" iğtişaşların şəhərin digər hissələrinə də təsir etdiyini göstərir. Onun sözlərinə görə, etirazlar Manhettenin mərkəzi rayonunda bir neçə nəfəri saxlayan polislə toqquşma ilə müşayiət olunub.
Nyu York Polis Departamentinin nümayəndəsi "Fox News"a verdiyi şərhdə bildirib ki, hakimiyyət iğtişaşlarla bağlı araşdırma aparır.
Günün əvvəlində bir qrup etirazçı ABŞ müdafiə naziri Lloyd Ostinin və ABŞ milli təhlükəsizlik müşaviri Ceyk Sallivanın evləri yaxınlığında toplaşıb.
NƏRGİZ
Bizi Telegram-da izləyin...
