Putin və Paşinyan Pavlovsk Sarayını gəzərkən söhbət ediblər - VİDEO
Rusiya Pezidenti Vladimir Putin və Ermənistanın Baş naziri Nikol Paşinyan Sankt-Peterburq yaxınlığında yerləşən Pavlovsk muzey-qoruğuna ekskursiya zamanı söhbət ediblər.
Redaktor.az bu barədə TASS-a istinadən xəbər verir.
Müstəqil Dövlətlər Birliyinə (MDB) üzv ölkələrin liderləri Sankt-Peterburqda qeyri-rəsmi sammitə toplaşıblar. Ekskursiya zamanı Putin və Paşinyan söhbət edib. Agentliyin qeyd etdiyi kimi, onların söhbəti canlı keçib. Rusiya Prezidenti və Ermənistanın Baş naziri digər liderlərdən bir qədər uzaqda dayanıblar.
Bildirək ki, dekabrın 26-da Azərbaycan lideri İlham Əliyev Putinin dəvəti ilə MDB-nin qeyri-rəsmi sammitində iştirak etmək üçün Sankt-Peterburqa gəlib. Onu Sankt-Peterburq qubernatoru Aleksandr Beqlov və digər rəsmi şəxslər qarşılayıblar. Bir gün əvvəl Paşinyan sammitə gəlib. Kremlin sözçüsü Dmitri Peskovun dediyi kimi, iki lider arasında ünsiyyət baş tuta bilər.
NƏRGİZ
Bizi Telegram-da izləyin...
