Ankara ilə Moskva razılığa GƏLDİ

 16:25 27.12.2023     135

“Qazprom” və Ankara Türkiyənin qaz qovşağı üçün yol xəritəsinin hazırlanması barədə razılığa gəliblər və bu, yaxın vaxtlarda qəbul ediləcək.

Redaktor.az xəbər verir ki, bu barədə Rusiya Baş nazirinin müavini Aleksandr Novak "Rossiya 24" telekanalına müsahibəsində bildirib .

“Bu gün biz tərəfdaşlarımızla yaxın gələcəkdə qəbul olunacaq müvafiq yol xəritəsini hazırlamaq barədə razılığa gəldik və onun çərçivəsində bu layihənin icrasına başlanılmasını təmin etmək üçün irəliləyəcəyik”, - deyə Novak bildirib.

Onun sözlərinə görə, Rusiya təcrübəsi ilə yaxından tanış olmaq üçün Türkiyə nümayəndələri yaxın vaxtlarda Sankt-Peterburqa səfər edəcəklər.

"Əminəm ki, Türkiyədə elektron platforma və mərkəzin formalaşmasını təmin etmək faydalı olacaq. Ümid edək ki, gələn il bu layihənin icrasına başlanılacaq", - Rusiya baş nazirinin müavini deyib.

Rusiya Federasiyası və Türkiyə prezidentləri ötən ilin oktyabrında Türkiyədə qaz qovşağının yaradılması məsələsini ətraflı öyrənməyi tapşırdılar. Media zədələnmiş “Şimal axını”ndan gələn qazın ora köçürülə biləcəyini yazıb. Bildirilib ki, söhbət təkcə Türkiyədə ticarət platformasının yaradılmasından deyil, həm də cənub istiqamətində infrastrukturun inkişaf etdirilməsi və tədarükün artırılmasından gedir.