Ərdoğan Netanyahunu Hitlerlə müqayisə etdi
İsrailin Baş naziri Binyamin Netanyahunun Qəzzada törətdiyi hərbi cinayətləri Hitlerin başçılıq etdiyi nasist rejiminin əməlləri ilə müqayisə etmək olar.
Redaktor.az “TRT Haber”ə istinadən xəbər verir ki, bunu Türkiyə prezidenti Rəcəb Tayyib Ərdoğan deyib.
"Qəzzada hücumların başlamasından 80 gün keçdi, bu müddət ərzində insanlığın bütün dəyərləri vuruldu. Netanyahu, onun bu gün törətdiyi cinayətlər ilə Hitler arasında 80 il əvvəl baş verənlər arasında heç bir fərq yoxdur”, - Ərdoğan bildirib.
Türkiyə prezidenti yenidən Qərbi Qəzza faciəsi fonunda fəaliyyətsizlikdə ittiham edib: "Almaniya hələ də Hitlerin etdiklərinin əvəzini ödəyir, ona görə də susur. Qərbin İsrailə borcu var, Türkiyənin isə borcu yoxdur. Amerika İsrailə hər cür yardım edir, bu yardımla İsrail Qəzza sakinlərini qətlə yetirir", - Ərdoğan vurğulayıb.
Bundan əvvəl o, Netanyahunu hərbi cinayətkar adlandırıb və təxminən 3 min vəkilin İsrailin Qəzza zolağında törətdiyi hərbi cinayətlərə görə İsrail Baş nazirinin cinayət məsuliyyətinə cəlb olunmasını tələb edərək Haaqa Beynəlxalq Cinayət Məhkəməsinə iddia qaldırdığını bildirib.
NƏRGİZ
Bizi Telegram-da izləyin...
