Blinkenin Türkiyəyə səfərinin MƏQSƏDİ
ABŞ dövlət katibi Antoni Blinkenin Türkiyəyə səfərinin məqsədi Qəzza zolağındakı vəziyyət və ümumilikdə münaqişə ilə bağlı məsləhətləşmələr olacaq.
Redaktor.az xəbər verir ki, bunu Türkiyənin hakim Ədalət və İnkişaf Partiyasının rəsmi nümayəndəsi Ömər Çelik "Habertürk" telekanalına açıqlamasında deyib.
Onun sözlərinə görə, Qəzza məsələləri ilə bağlı sıx məsləhətləşmələr davam etməlidir:
“Orada vəziyyət getdikcə pisləşir, müharibə uzanır. Ətraflı müzakirə edilməli olan çoxlu məsələlər var. Və təbii ki, Türkiyə Dövlət Departamentinin rəhbərinin bu məsələləri müzakirə etmək üçün tez-tez səfər etməli olduğu ölkədir.
Mən bunu Rusiya-Ukrayna münaqişəsi ilə bağlı vəziyyətdə müşahidə etdim. Almaniya və Avropa İttifaqı birbaşa hərbi komponenti qiymətləndirməkdən başqa işlək və güclü diplomatik mexanizm yarada bilmədilər. Onlara prezidentimizlə belə bir əlaqə xətti yaratmalı idilər”.
Ömər Çelik əlavə edib ki, İsrail və Qəzza münaqişəsi ilə bağlı vəziyyətdə hər iki müharibə edən tərəflə əlaqə saxlaya biləcək bir ölkə kimi Türkiyə rəhbərliyi ilə diplomatik kanal yaratmaq lazımdır:
“Təəssüf ki, indi həm ABŞ, həm də Aİ mövcud böhranlarda kifayət qədər diplomatik səriştə nümayiş etdirə bilmir”.
Bizi Telegram-da izləyin...
