İstanbulda qəhvəxanaya silahlı HÜCUM
Sultanqazidə bəzi müştərilərə xəbərdarlıq etdiyi iddia edilən qəhvəxana sahibi ilə bu şəxslər arasında mübahisə yaranıb. Qəhvəxana sahibi mübahisə etdiyi 4 nəfəri çölə çıxardıqdan yarım saat sonra çayxanaya silahla hücum edilib. Hücum zamanı ölən və yaralanan olmasa da, polis ərazidə 12 boş patron tapıb.
Redaktor.az bu barədə "haberqlobal"a istinadən xəbər verir.
Hadisə Esentepe məhəlləsində baş verib. İddiaya görə, qəhvəxanada 4 müştəri öz aralarında qumara başlayıb. Bunun ardınca obyekt sahibi ilə müştərilər arasında mübahisə başlayıb. Mübahisəyə qarışanlardan biri olduğu iddia edilən şəxs təxminən yarım saat sonra maska geyinmiş halda qəhvəxananın qarşısına gələrək tapança ilə atəş açmağa başlayıb. Şübhəli şəxs atəş açdıqdan sonra hadisə yerindən qaçıb. Hücumda ölən və yaralanan olmasa da xəbər alan polis qrupları hadisə yerinə gələrək ətrafda araşdırma aparıb.
Araşdırma zamanı ərazidən 12 boş patron aşkar edilib, 4 güllə mağazaya, 1 güllə isə dayanmış avtomobilə dəyib. Hadisə ilə bağlı istintaq davam edir.
NƏRGİZ
Bizi Telegram-da izləyin...
