"Çin öz raketlərini yanacaq yerinə su ilə doldurur" - ABŞ kəşfiyyatı

 13:22 07.01.2024     183

ABŞ kəşfiyyatı iddia edir ki, Çin hərbi dairələrində korrupsiya hökm sürür, buna görə də Çin raketləri yanacaq əvəzinə su ilə doldurulur.

Redaktor.az xəbər verir ki, bu barədə "The Wall Street Journal"yazır.

Qəzet yazır ki, adı açıqlanmayan ABŞ rəsmiləri hesab edir ki, korrupsiya Çin prezidenti Si Cinpinin ordunu inkişaf etdirmək səylərinə zərbə vurub, ona görə də ABŞ əmindir ki, yaxın illərdə Çin tərəfdən böyük hərbi əməliyyatların baş vermə ehtimalı artmayacaq.

ABŞ kəşfiyyatı korrupsiyanın nəticələrinə dair nümunələr təqdim edərək, Çin raketlərinin yanacaq əvəzinə su ilə doldurulduğunu və Çinin qərbində uğurlu raket buraxılışlarını dəstəkləyə bilməyəcəyi iddia edilən nəhəng raket siloslarının sahələrini qeyd edir.

Qəzetin mənbələri bildirir ki, Çin ordusunda korrupsiyaya görə aparılan təmizləmə Si Cinpinin mövqeyini zəiflətməyib. Bəzi Çin hərbi rəhbərləri tutduqları vəzifələrdən uzaqlaşdırılıb, digərləri isə yüksəldilib və Çin Kommunist Partiyası güclü olaraq qalır.

Qəzet iddia edir ki, Si Cinpin orduda nizam-intizamı yaxşılaşdırmaq və korrupsiyanı aradan qaldırmaq üçün tədbirlər görüb ki, bu da Çin ordusunu döyüşə hazırlamağa kömək edəcək.

Nəşr ABŞ kəşfiyyatının bəyanatlarını yoxlamağın mümkün olmadığını bildirir. Bir çox ekspertlər qəzetin çox aşağı keyfiyyətli informasiya dempinqi həyata keçirməsi ilə razılaşırlar. Birləşmiş Ştatlar eyni şeyi İraqa münasibətdə də həyata keçirdi, ölkənin bir çox başqa ölkələrlə müqayisədə böyük kimyəvi silah ehtiyatlarına malik olduğunu iddia edirdi.

NƏRGİZ