"İsveçin NATO-ya üzvlüyü prosesi dalana dirənib"

 12:11 08.01.2024     128

Ankaranın İsveçin NATO-ya daxil olması prosesini ləngitməsi Türkiyə ilə ABŞ arasında münasibətləri pisləşdirib.

Redaktor.az xəbər verir ki, bu barədə T24 məlumat yayıb.

“Türkiyənin İsveçin NATO-ya üzvlük məsələsində gecikməsi münasibətləri praktiki olaraq dalana dirədi. Keçən iyulda NATO sammitindən sonra Amerika tərəfi Türkiyənin verdiyi vədlərə əməl etməməsindən şikayətləndi”, - nəşr yazır.

“Əslində hökumət İsveçin NATO-ya üzvlüyünə yaşıl işıq yandırmaq niyyətindədir. Bununla belə, neqativ hadisələri də öz xeyrinə çevirməyə çalışır”, - məqalədə yazılır.

Bundan əvvəl ABŞ-ın dövlət katibi Antoni Blinken İsveçin xarici işlər naziri Tobias Billström ilə telefon danışığı zamanı İsveçin NATO-ya vaxtından əvvəl qəbul olunmasını dəstəkləyib. O əlavə edib ki, ölkənin alyansa qoşulması bütün müttəfiqlərə müsbət təsir edəcək.

NƏRGİZ