İsrail Cənubi Afrikanın soyqırım ittihamlarını rədd edir
İsrail Almaniyaya Cənubi Afrika hakimiyyətinin soyqırım konvensiyasının mümkün pozulması ilə bağlı Haaqa Beynəlxalq Ədalət Məhkəməsində qaldırdığı iddia məsələsində verdiyi dəstəyə görə minnətdardır.
Redaktor.az xəbər verir ki, bunu İsrailin xarici işlər naziri İsrael Katz yəhudi dövlətinə səfərə gələn Almaniya vitse-kansleri Robert Habeklə görüşdən sonra deyib.
"Oğurlananların ailələri ilə birlikdə bu axşam Almaniyanın vitse-kansleri Robert Habek ilə görüşdüm. Ona İsrailə şəxsi və mənəvi bağlılığına, antisemitizmə qarşı sərt sözlərinə və Cənubi Afrikanın Haaqadakı Beynəlxalq Ədalət Məhkəməsində iddiası ilə bağlı absurd hərəkətlərinə qarşı Almaniyanın İsrailə verdiyi dəstəyə görə təşəkkür etdim", - Katz X (keçmiş Tvittr) hesabında yazıb.
“Mən ondan xahiş etdim ki, Almaniya oğurlananları (Qəzza zolağında Fələstin radikalları tərəfindən saxlanılan) vətənə qayıdana qədər azad etmək üçün bütün mümkün təzyiqləri tətbiq etsin”, - deyə nazir əlavə edib.
Xatırladaq ki, Cənubi Afrika dekabrın 29-da Haaqa Beynəlxalq Məhkəməsində soyqırım konvensiyasının mümkün pozulması ilə bağlı İsrailə qarşı iş qaldırıb. Sənəddə iddia edilir ki, İsrail hakimiyyət orqanlarının hərəkətləri soyqırım kimi səciyyələndirilə bilər, çünki onlar “Fələstinlilərin daha geniş milli, irqi və etnik qrupunun bir hissəsi kimi Qəzzada fələstinliləri məhv etmək” məqsədi ilə həyata keçirilir. Belə olan halda, Cənubi Afrika tərəfi məhkəmədən İsrailin konvensiya üzrə öhdəliklərini pozduğu və Qəzza zolağında bütün hərbi əməliyyatları dayandırmalı və təzminat ödəməli olduğu barədə hökm çıxarmağa çalışır.
İsrail özü soyqırım ittihamlarını rədd edir. İsrail tərəfinin fikrincə, bu işin heç bir hüquqi əsası yoxdur və HƏMAS-ın 2023-cü il oktyabrın 7-də İsrailə hücumunu siyasi və hüquqi müdafiə edir. Bu kontekstdə İsrail nümayəndələri xüsusilə özünümüdafiə hüququna və Qəzza zolağında mülki əhalinin itkilərini minimuma endirmək üçün görülməmiş tədbirlərə işarə edirlər.
Turan İSMAYIL
Bizi Telegram-da izləyin...
