Türkiyə ordusu İraq və Suriyada PKK-nın 114 hədəfini məhv edib
Türkiyə ordusu İraqın şimalında və Suriyada həyata keçirdiyi əməliyyatlar nəticəsində son 5 gündə PKK terror təşkilatının 114 hədəfini məhv edib.
Redaktor.az “TRT Haber” telekanalına istinadən xəbər verir ki, bu barədə Türkiyənin müdafiə naziri Yaşar Gülər bildirib.
“Milli Kəşfiyyat Təşkilatı ilə koordinasiyalı şəkildə İraqın şimalında və Suriyada həyata keçirilən hava əməliyyatları nəticəsində son 5 gündə terror təşkilatının 114 hədəfi, o cümlədən 78 terrorçu məhv edilib”, - nazir deyib.
O, PKK-ya qarşı mübarizənin son terrorçu məhv edilənə qədər davam edəcəyini vurğulayıb.
Qeyd edək ki, İraq və Suriyada əməliyyatlar yanvarın 12-də PKK silahlılarının İraqın şimalında Türkiyənin hərbi postuna hücumu nəticəsində 9 əsgərin şəhid olmasından sonra başlayıb.
Bizi Telegram-da izləyin...
